Camalada ramadaanta laqabto kuwa ugu muhiimsan

Marka lagaadho xilliga Ramadaanta dadku waxay ku tartamaan samafalka iyo wanaagfalidda, Waxayna is waydiiyaan acmaasha ugu fadliga badan Ramadaanta laqabto si ay ugu furmaan albaadada janu, Allen SWT uu waafajiyo khayrkeeda. Waxa Jira waxyaabo badan oo qofka muslimka ahi qaban karo si uu u caawiyo dadka kale Si uu uga takhaluso cidhiidhiga iyo baahida.waxaanad akhridaa tuducyadan Soo socda si aad wax uga ogaato acmaasha muhiimka ah ee ay tahay inaad qabato bisha Ramadaan.

Maqaalkan waxaad ku aqrin doontaa.

• Acmaasha ugu muhiimsan ee ay tahay inaad ramadaanta qabato.

• Muhiimada ay leedahay qaraabo xidhiidhinta.

• Afurinta dadka sooman.

• Doorka ay leedahay fadhiisashada goobaha cibaadoyinka khayrka leh lagu hayo.

• Sadaqada.

• Kafaala qaadidda agoomaha ramadaanta.

• Acmaasha fudud ee khayriga ah ee ay waajibka tahay inaad qabato Ramadaanta dexdeeda.

• Acmaasha wanaagsan ee naftu ubaahantahay Ramadaanta dexdeeda.

Acmaasha wanaagsan ee muhiimka ah Ramadaanta dexdeeda.

Iyadoo bishii Ramadaan inagu Soo dhawdahay waxa ku waajiba qofkasta oo muslim ah inuu ku dedaalo siduu acm aasha wanaagsan bisha Ramadan ugu dedaali lahaa, iyo caawinta dadka baahan, Sidoo kale waxa Jira acmaal badan oo wanaagsan ood qaban karto oo sabab u noqonaya inuu ilaahay faraj kuu furo. Acmaasha wanaagsan ee ugu muhiimsan bisha Ramadaan waxa weeyi samafalka. Qodobadan hoose ayaynu kaga hadlaynaa.

• Qofku waxa uu u adeegi karaan cidda ku hareeraysan, si sama fal ah isagoo ilaahay ajar kaga dalbaya.

• Qofku waxa uu Soo diyaarinayaa sharabb iyo timir waxa uu u qaybin karaa dadka masaakiinta ah ama aan awoodi karayn xilliga afurka.

• Waxaad samayn kartaa inaad Soo iibiso bacaha Ramadaanta lagu afuro markaana u qaybiso haayadaha samafalka ee afurinta dadka qaabilsan.

• Dadka qaar waxay ku ictikaafaan masaajidada inta lagu jiro bisha Ramadaan, waxa u fudud qofkaas oo kale inuu masajidka nadiifiyo oo uu hagaajiyo.

Ahmiyadda ay leedahay qaraabo xidhiidhinta

Marka aynu ka hadlayno acmaasha ugu muhiimsan ee bisha Ramadaan waxa ka mid ah qaraabo xidhiidhinta oo ay Waa jib ku tahay qof walba, Gaar ahaan bisha Ramadaan. Qodobadan Soo socda ayaana kaga hadlaynaa.

• Xidhiidhka qaraabada oo la ilaaliyo waxay ku fadhidaa meeqaam sare Alle SWT agtiisa isagoo markasta inafaray inaynu ilaalino xidhiidhinta qaraabda, loo samafalo qoyska iyo ehelkaba. Gaar ahaan markaynu ka hadlayno bisha Ramadaan ee barakaysan in laysku Soo dhowaado oo wax layska waydiiyo qoyska.

• Waxaynu odhan karnaa camalada wanaagsan ee bisha Ramadaan laqabto way badanyihiin, Joogtaynta qaraabo xidhiidhisku waxay ka mid tahay waxyaabaha ugu faa’idada badan qofka Muslim ka ah. Waxa laga yaabaa inuu jiro qof xanuunsanaya ama liita oo qoyskiisa ka mid ah oo ubaahan in la caawiyo waan inaad caawisaa markaas oo kale.

• Waxa laga maarmaan ah in laga heshiiyo wixii khilaafa ee Jira, lagana takhaluso xidhiidhka xun ee laba qof ka dhexeeya inta bisha Ramadan lagu jiro, haddii uu jiro qof qoyska ka tirsan oo khilaaf idinka dhexeeyo Waxa Waa jiba inaad saxdo xidhiidhkaas.

ku dedaalidda afurinta dadka sooman

• Camalada ugu wanaagsan ee bisha Ramadaan laqabto waxa ka mid ah inaad ku deedaasho afurinta dadka sooman, Allena wuxuu kuu qorayaa ajar. hadba inaad awooddo ayaad caawinaysaa.

Doorka ay leedahay fadhiisashada goobaha acmaasha wanaagsan lagu hayo

Waxay leeyihiin goobaha cibaada iyo xuska Alle SWT lagu xuso waxay door muhiima ku leeyihiin acmaasha wanaagsan, Haddii aad is waydiinayso acmaasha uu muhiimsan ee wanaagsan ee bisha Ramadaan waa inaad gobaas aanad ka maqnaanin. Iyo inaad dhexjoogtid si aad u baratid sida nafta loo wanaajiyo, loona edbiyo, faa’idooyinka ay leeyihiin goobahaasi waxa ka mid ah.

• Qofka Marka uu ka qayb galo waxa uu ka faa’idayaa xogo badan, Taas oo laga yaabo inay noloshhiisa wax kabadasho xaga khayrkana u jadhjeedhsamo dadkana uu wanaag kula dhaqmo.

• Gobaas waxa lagaga sheekeeyaa doorka uu qofku ku leeyahay nolosha, Iyo ahmiyadda khayrka oo la sameeyo, samaynta khayrka, Sidoo kale qofku wuxu ku dhiiranayaa inuu khayrka sameeyo, sidoo kale dadka baahan ayuu caawinayaa isagoon ka caajisayn kana bakhaylayn.

• Markaad qayb gasho goobaha cibaada ee ilaahay SWT lagu xusayo ilaahay ayaa raalli kaa noqonaya, Sidoo kale waxaad xalqadahaa ku baran kartaa asxaab wanaagsan oo iyaga sababtood aad ilaahayd ugu dhowaan karto ama inay acmaasha wanaagsan kaa qayb galiyaan.

Sadaqada

Cidina ma dafiri karto doorka sadaqada xilliga Ramadaanta, iyo muhiimadda xad dhaafka ah ay leedahay, Sadaqadu Waa acmaasha ugu muhiimsan ee Ramadaanta laqabto, iyo waqti kastaba. Qodobadan Soo socda ayaana ku cadayn doontaa.

• Alle SWT waxa uu yidhi: ( قل إن ربي يبسط الرزق لمن يشاء من عباده ويقدر له وما أنفقتم من شيء فهو يخلفه وهو خير الرازقين ) ( waxaad tidhaa nabi maxamadaw Rabbigaygu cidduu doono ayuu u ballaadhinayaa arsaaqdiisa oo addoomihiisa ah, qofkaana wuxu ku cidhiidhyayaa markuu doono ama wuxu u qorshaynayaa, wax alla waxaad bixisaan ee shay uun ah Alle Waa idiin badali doonaa, cidda wax arsaaqdana Ilaahay ayaa u khayr bada ). Halkaa waxa ka muuqanaysa qiimaha wayn ee ay sadaqadu ku leedahay nolosha bini aadaamka, iyo samaynta ay ku leedahay risqiga.

• Waa inaad raadiso dadka u baahan sadaqada, iyo inaad u dhaqaaqdid caawintooda, Sababtoo ah waxa Jira dad aan muujin baahidooda oo dhawrsoon si kasta oo ay xaaladdu ugu adagtahay.

• Sadaqada waxa lasiin karaa inta bisha Ramadaan lagu jiro dadka baahan ee ehelka ah iyo dadka aan ehelka ama qoyska ahayn, si looga dul qaado muruga bisha barakaysan ee remadaanta. Waxaad sadaqo ula bixi kartaa Lacag, Raashin ama Cunto, ama cuntooyinka kale hadba baahida dadka baahan ayay ku xidhantahay.

• Sadaqadu waxay daahirisaa nafta, waxayna ka takhalustaa nacaybka iyo xumaanta, haddii qofku dambi galo intaa kadib ku dedaalo bixinta sadaqada waxay katakhalusaysaa xumaantii u ku dhacay.

Kafaala qaadidda agoomaha bisha Ramadaan

• Iyadoo laga faa’idaysanayo bisha Ramadaan waxa muhiim ah inaad baadho camalada ugu muhiimsan ee laqaban karo, Waxaana ka mid ah in labadalo nolosha dadka qaarkii, lagana ilaaliyo culayska ama cadaadiska nolosha. Kafaala qaadidda waxa weeyyi mid ka mid ah arrimaha muhiimka ah, taas oo aynu awooddi karno inaynu waxa ka qabano dad la kulmay mushkilado badan Taas oo keentay inay waayaan waalidkood. Nabiguna NNKH waxa uu yidhi:- ( Aniga iyo qofka kafaala qaada agoon waxaanu nahay sidaas isagoon tilmaamaya murdisada iyo far-dhexeda )

Acmaasha fadud ee wanaagsan ee ay waajibka katahay inaad qabato

Dadku waxay daneeyaan inay wax ka ogaadaan acmaasha ugu muhiimsan ee la qabato bisha Ramadaan, Waxa Jira arrimo laga maarmaan ah ay waajibtahay inaad qabato si aad u hesho ajar iyo xasanaat Allena SWT ugu dhoqaato. Waxaana ka mid ah:-

• Qofkasta waxa ku waajiba inuu ilaaliyo la dhaqmidda qoyskiisa iyo ehelkiisaba, haddii markii hore uu ka gaabin jiray Waa inuu dhaqankaa hore wax kabadalo.

• Waxa laga maarmaan ah inuu qofku ku dedaalo bixinta Sakada dhamaadka bisha Ramadaan.

• Haddii aad awoodi karto Waa inaad cumrada tagtaa ama qof aan awoodayn aad ka bixiso.

• Haddii aad awooddo xoolo qal deedna u qaybi dadka masaakiinta ah, ama waxaad raadisaa masjid la dhisay oo la dhamaystiray xoolahaas aad qashay kaga qayb qaado.

Acmaasha wanaagsan ee ay naftu ubaahantahay xilliga Ramadaanta

Waxaynu ogyahay acmaasha wanaagsan ee bisha Ramadaan ay kala duwanyihiin, Waxaana ka mid ah in aynu caawino dadka kale, ama samaynta ficillo wan wanaagsan oo nafteennu u baahantahay, si aanay inooga dayacmin bisha barakaysan ee Ramadaanta, waxaana ka mid ah acmaasha ugu muhiimsan kuwan:-

• Inaad ku deedaasho muhiimadna aad siiso quraanka kariim ka ah, Waa inaad qaybiso bisha Ramadaan si aad u

• Waa inaad salliga Nabiga badiso xilliga Ramadaanta iyo waqti kastaba gaar ahaan afurka kahor.

• Acmaasha wanaagsan waxaad ku siyaadsan kartaa adigoo salaadda waqtigeeda tukada, taraawiixda, iyo salaadda taajudka.

• Waxa waajiba inaad waliga afurnaan carrabkaagana ilaashato, Waa inaanay ku hadlin hadallo xun-xun oo soonkaaga waxyeelaya, Waa inaanad xuska Alle SWT aanad joojin, Waa inaad adkaarta subaxii iyo galabtii aad akhridaa, iyo adkaarta caadiga ahba.

Gabagabadii maqaalkan ku saabsan acmaasha ugu muhiimsan ee bishan Ramadaan waxaynu Soo sheegnay siyaabo kala duwan oo qofku u qaban karo,waxaana laga maarmaana inuu qofku acmaashan qabto Ramadaan iyo xilliyada caadiga ahba.