KHIYAARKA IYO FAA’IDADIISA.

Maxay yihiin faa’idooyinka cunista khiyaarku? Sidee cunista khiyaarku ay faa’ido ugu leeyahay caafimaadkaaga iyo quruxdaada? Waa tan faah-faahintu.

1.Hagaajinta Caafimaadka Afka.

Mid ka mid ah faa’idooyinka cunista khiyaarka ayaa ah inuu hagaajiyo Caafimaadka afka sababtoo ah waxa uu ka koobanyahay waxyaabahan:

✅ Khiyaarku waxa uu ka koobanyahay Vitamin D iyo Biyo, Labadaa maaddo waxay wanaajiyaan Caafimaadka afka iyagoo ka ilaalinaya Qaylka

✅ Khiyaarku waxa ku Jira curiyayaal isku dhafan{compounds} oo shaqadoodu tahay inay dejiyaan ama hoos u dhigaan heerkulka jidhka iyo calool ololka. Sidoo ka waxa uu afka ka ilaaliyaa dhibaatooyinka la xadhiidha caloosha.

✅ Isku dhisyada dhirta gaarka ah ayaa lagayaabaa inay ladagaallamaan koritaanka noocyada bakteeriyada qaarkood ee afka. Mushkiladaha ugu caansan ee Khiyaarku ka hortago waxa ka mid ah.

A. Af urka ama inuu urta kabiiyo afka.

B. Suuska.

C. Cirridku inuu daciif noqdo.

D. Dhiigidda Cirridka.

2.Miisaan Ridka

Midka mid ah faaidooyinka cunista khiyaarka si joogta ah ayaa ah inaad miisaanka ku dhimi karto, ka koobnaashaha uu ka koobanyahay sida:

✅ Khiyaarku waxa uu ka koobanyahay xaddi yar kalooriya, Nafaqo heersare ah, Fiitamiino iyo macdanno.

✅ Khiyaarku waxa uu ka midyahay khudaarta hodanka ku ah biyaha, maadaama uu ka koobanyahay qiyaastii 96% Biyo sidaas darteed joogtaynta custa Khiyaarku waxay ka qayb qaadan karaa miisaan dhimista.

✅ Khiyaarka waxa lagu tiriyaa khudaarta hodanka ku ah {viberka} oo macniheedu yahay hore uma dheefshiidmo sidaas darteed muddo dheer gaajo dareemi maysid.

✅ Waxaad ku cuni kartaa khiyaarka cuntooyinkaaga ugu muhiimsan si’aad uyarayso qaddarka kalooriyada cuntadaada guud ahaan,sidoo kale waxaand isticmaali kartaa khiyaarka badalka cuntooyinka fudud ee waxyeelada leh.

3.Hoos u dhigga cadaadiska dhiiga.

Midhaha khiyaarka waxaa ku Jira in yar oo soodhiyam ah , halka taa badalkeeda ay qani ku yihiin nafaqooyin kale oo kaa caawinaya inay wanaajiyaan Caafimaadka wadnahaaga iyo halbawlayaashaada Sida potassium,Magnesium, Compoundnadan waxay kaa caawin karaan:

✅ Ilaalintabcaafimaadka wadnaha

✅ Xakamaynta cadaadiska dhiiga,iyo ka hortagga inuu dhiigu kaco.

✅ Hagaajinta heersrka kolestaroolka.

4.Faa’idooyinka Khiyaarku u leeyahay Maqaarka iyo Cidiyaha.

Cunista Khiyaarku wuxu faa’ido u leeyahay Maqaarka iyo Cidiyaha,Sababtoo ah wuxu hodan ku yahay nafaqooyin muhiim u ah Maqaarka iyo Cidiyaha sida, potassium,Vitamin E, Silicon, Iyo Biyo, Sidaas darteed Khiyaarku wuxu kaa caawin karaa waxyaabahan:

✅ waxa uu furfuraa maqaarka,sidoo kale Wuxu baabiyaa madmadawga ay sababto cadceedu.

✅ waxa uu furfuraa dalooda Maqaarka ee awdmay wuuna nadiifiyaa.

✅ wuxu wanaajiyaan muuqaalka agagaarka isha wuxuna ka ilaaliyaa madawga iyo bararka.

✅ Waxa uu xoojiya Cidiyaha waxa uuna ka hortagga inay khafiifaan ama ay daciifaan.

✅ waxa uu ka ilaaliyaa Maqaarka xanuunada Maqaarka qaarkood sida.Cambaarta,Finanka yayar,Sidoo kale qoyaan dabiiciya ayuu Maqaarka u sameeyaa.

5.Waxa uu nidaamiyaa sonkorta dhiiga

Faa’idooyinka uu leeyahay cunista khiyaarku waxa uu ilaaliyaa sonkorta ku jirta dhigga iyo inay kacdo sonkorta dhiigu.

Faa’idooyinka khiyaarka ee la xidhiidha sonkorta dhiiga waxa ka mid ah:

✅ Khiyaarku wuxu hodan ku yahay (Viber) taas oo kaa caawinaysa Xakamaynta rabitaanka cuntada iyo ka hortagga fuuq-baxa.

✅ Midhaha khiyaarka waxa ku Jira hormoono lagayaabo inay gacan ka gaystaan taageeridda Habka wax Soo saarka insulin ee jidhka.

Marka la eego awoodda khiyaarka ee Xakamaynta sonkorta dhiiga,cunista khiyaarku waxay kaa caawinaysaa xanuunka macaanka,ama yaraynta fursadaha aad ku qaadi karto xanuunka macaanka.

6.Faaidooyinka kale ee cunista khiyaarka.

✅ Hagaajinta dheefshiidka,iyo horumarinta bacteeriyada faa’idada leh ee mindhicirka ku Jirta,taas oo lagayaabo inay kahortagto calool-istaagga iyo laab-dillaaca.

✅ Khiyaarku waxa uu qooyaaa gudaha jidh taasoo ka caawisa jidhka inuu ka takhaluso sunta jidhka Soo gasha.

✅ Xoojinta lafaha Iyo cufnaantooda,waxa uu kaa taageerikaraa kasoo kabashada jabka iyo inay lafuhu ku daciifaan.

Habab kale oo loo adeegsado Khiyaarka.

✅ Si aad u hesho faa’idooyinkiisa waa inaad si nidaamsan u cabto sharaabkiisa.

✅ Si aad uga hortago af urka waa inaad jeex khiyaar ah ku qabato saqafka sare ee Afka.

✅ Si aad u haajiso muuqaalka Maqaarka agagaarka indhaha, waa inaad qayb yar dulsaartaa Maqaarka sare ee isha, Iyo isha hoosteeda waxaanad ku daysaa dhawr daqiiqo.

✅ Si aad u nafaqayso Maqaarka sare jidh iyo wanaajinta muuqaalkiisa waa inaad sharaabka khiyaarka maaskaro ahaan umarsato dhawr daqiiqo.